Umukinyi w’umurundi Bonfils Caleb yafatiwe ibihano na CAF

Ingingo yafashwe na CAF ni iy’uguhagarika inkino zibiri uno musatirizi, bivanye n’inyifato mbi yerekanye, aho yari ahejeje kuronka ikarata itukura kw’ikosa riteye ubwoba, ivyatumye CAF, itanguza amatohoza.

Iruhande y’uguhagarikwa inkino zibiri, umugwi wa Rayon Sports uzotanga ihadabu ringana n’ibihumbi bibiri vy’amadorare (2000USD), ayo akaba yiyongera ku yagera ku bihumbi 15 vy’amadorare muri CAF baciriye uwo murwi wa Rayon Sports, mu rubanza rwabahuza na LLBS4A.

Bonfils Caleb Bimenyimana akaba atazokina mu nkino zibiri za Afrika umurwi wiwe ugiye gukina n’umugwi wa Costa de Sol wo muri Mozambique mu nkino z’igikombe ca Confederation yo muri Afrika.