Umukuru w’igihugu wa Birmanie yatanze imihoho

Gushika ubu nta mvo zirashikirizwa ku bijanye n’iryo tanga ry’imihoho, naho mu minsi iheze hari inkuru zavuga ku bijanye n’amagara ya Htin Kyaw yoba atifashe neza.

Hari amakuru avuga ko Umukuru w’igihugu Htin Kyaw yashatse kuruhuka bikaba bitegekanijwe ko icegera c’umukuru w’igihugu Myint Swe ariwe aba aratunganya ibikorwa vy’igihugu mu kurindira ko umukuru w’igihugu mushasha atorwa mu minsii 7 iri imbere.

Umukuru w’igihugu wa Birmanie, Myanmar Htin Kyaw

Htin Kyaw asanzwe afise imyaka 71 yimitswe mu mabanga y’umukuru w’igihugu mu mwaka wa 2016, inyuma y’igihe kirekire amatora yatunganijwe ataba mu gihe c’intwaro ya gisirikare.