Accueil > Kwidagadura > umucuraranzi > Umurwi Mirror Team urageramiwe n’ugusambuka
Umurwi Mirror Team urageramiwe n’ugusambuka
lundi 14 Myandagaro 2017, par
Umusore azwi Kw’izina rya Aimé Loverness yahora arongoye umurwi MirrorTeam yemanze ko yasezeye kuririmba muri uwo murwi. Mu gihe imirwi myinshi isamburwa no kudahuza kw’abayigize, muri Mirror Team siko vyagenze.
Aimé Loverrness avuga ati : "Hari igihe gufata ingingo biba bigoye, na cane cane iyo usanze ko ugiye guheba ivyo warondeye n’umutima n’inguvu zawe zose, iyo uravye intambwe muba mugezeko canke umuryango uba waraharonse, ariko kandi n’ubwo uba uri umu "Leader", iyo haje irindi jwi ry’umu "Leader des leaders" rikubwira ibitandukanye n’ivyo warimwo, n’ubwo wokwigira ko utaryumvise canke ukigira simbona, ni ivy’akanya gato utegerezwa kurekura kuko ngo hari impamvu yagutoye muri benshi."
- Aimé Loverrness yahora arongoye umurwi Mirror Team
Aimé yongera ati : "Naragerageje kwigira umuhinga mu gutahura ko ntota MirrorTeam, nirengagiza ico Imana inshakako ariko incuro zose nabigerageje niho natahura ko Imana idaharirizwa kandi idafyina." Aimé Loverness yemenga ko yitavye akamo k’Imana, kuko agiye kuririmbira iyo Mana.
Umurwi w’abaririmvyi Mirror Team si ubwa mbere uvamwo umwe mu bawugize. Watanguye ugizwe n’imisore itanu. Ubwa mbere hagiye uwitwa Landry, ubu naho hagiye Aimé Loverness yari anawurongoye.
Tubibutse ko umurwi Mirror Team usigayemwo abasore Nick, Patrick Dizzy na Patrick.
Cherif NKESHIMANA
Messages
14 Myandagaro 2017, 19:18, par hamza
nakundi agenda ukire igikorwa cimana
14 Myandagaro 2017, 21:30, par Ntawumenya
nta mana itandukanya abayo mubu umwe nkuko jw na data turmwe kandi amacakubiri ategwa numgwanizi
14 Myandagaro 2017, 21:30, par Ntawumenya
nta mana itandukanya abayo mubu umwe nkuko jw na data turmwe kandi amacakubiri ategwa numgwanizi