Accueil > Inkino > FOOTBALL > Umurwi nserukiragihugu Intamba mu Rugamba watakaje ibibanza ku rutonde rwa (...)
Umurwi nserukiragihugu Intamba mu Rugamba watakaje ibibanza ku rutonde rwa FIFA
jeudi 1er Ruheshi 2017
Umurwi nserukira gihugu Intamba mu Rugamba uza mu kibanza c’148 ,ikibanza kimwe gusa inyuma y’ikibanza c’umurwi nserukiragihugu wa Sudani yo mu Bumanuko bategura gukina kw’igenekerezo rya 10 Ruheshi 2017, mu ntumbero yo kurondera uburenganzira bwo gukina ihiganwa rya CAN rizoba mu mwaka uza.
Ku mugabane wa Afrika,umurwi uza mu kibanza ca mbere kuri urwo rutonde rwa FIFA ni umurwi wa Misiri uza mu kibanza ca 20 kw’isi ,ugakurikirwa n’umurwi wa Senegal uza mu kibanza ca 27,Cameroun uza mu kibanza ca 32,Nigeria uza mu kibanza ca 38,ugakurikirwa n’umurwi wa Republika iharanira intwaro rusangi uza mu kibanza ca 39,iyindi igakurikira.
Mu karere ka Afrika y’Ubuseruko,umurwi uza mu kibanza ca mbere kuri urwo rutonde ni umurwi w’igihugu c’Ubuganda,uza mu kibanza ca 71,ukurikirwa na Kenya uza mu kibanza ca 74,Urwanda ruza mu kibanza c’128, Tanzaniya mu kibanza c’139, na Sudani yo mu bumanuko iza mu kibanza c’147.
Hamwe umurwi nserukiragihugu w’Uburundi Intamba mu Rugamba wotsinda umurwi wa Sudani yo mu Bumanuko mu nkino zibiri zitegekanijwe, ushobora kuduga ibibanza bikeya kuko,umurwi wa Sudani yo mu Bumanuko uri imbere y’uwo Uburundi.
MUGISHA Van Naris
Messages
8 Ruheshi 2017, 10:59, par Ndi Eric Umufana W’intamba Na Barcerona
icovuga Nuko Bokwigeza Neza Murukino Ruzobahuza Nasudaniyamajapfo