Umurwi nserukiragihugu w’Uburundi wamaze gushika muri Sudani

Amakuru dukesha bamwe mu bajanye n’umurwi nserukiragihugu, amenyenyesha ko abafashe urugendo baja muri Sudani ni abakinyi 18,abamenyereza b’umurwi nserukiragihugu batatu,umuganga hamwe n’abaserukira ishirahamwe ry’umupira w’amaguru batatu.

Umumenyeshamakuru ,hamwe n’uwuserukira ubushikiranganji bw’urwaruka,inkino n’imico kama bitegekanijwe ko bafata urugendo kuri uno wa kane igenekerezo rya 27 Mukakaro 2017.

Mu rukino rwa mbere rwabereye I Bujumbura kuw’Imana igenekerezo rya 23 Mukakaro 2017, umurwi nserukiragihugu w’Uburundi Intamba mu Rugamba wari wanganije n’umurwi nserukiragihugu wa Sudani ubusa ku bundi.

Urukino ruzobera mu gisagara ca Obeid ku munsi wa gatandatu,igenekerezo rya 29 Mukakaro 2017.