Vatican: Papa Francois yagenye abakaridinali bashasha harimwo abava muri Afrika

Ukwo ari batanu bagenywe inyuma y’imisa yo kuw’Imana igenekerezo rya 21 Rusama,umwaka wa 2017,bafise imyaka iri munsi ya 80, bakaba bava mu mice itandukanye y’isi muri Amerika, muri Afrika n’i Buraya.

Ikinyamakuru La Croix kimenyesha ko imbere yo gushira ahabona amazina y’abakaridinali bashasha, Papa Francois yavuze ko kuba batowe mu bice vyose vy’isi vyerekana ko ishengero katolika ryakwiye hose kw’isi.

Inyuma yo kugenwa muri ayo mabanga baronse uburenganzira bwo gushobora gutora umupapa mushasha yosubirira Papa Francois arongoye ishengero katolika kw’isi muri iki gihe.

Ibirori vyo kubashikiriza ayo mabanga ku mugaragaro bizobera i Vatikano ahari icicaro c’umwungere w’ishengero katolika kw’isi, mu mpera z’ukwezi kwa Ruheshi.