Yahya Jammeh yagirijwe ko yagiye anyuruje imiriyoni 11 z’amadorare

Uwahoze ari umukuru w’igihugu Yahya Jammeh aheruka gufunga igihugu yagirijwe ko yagiye asahuye mu kigega ca Reta amafaranga agera ku miriyoni 11 z’amadorare, nk’uko vyemezwa n’umuhanuzi wa Adama Barrow, umukuru w’igihugu mushasha wa Gambia aheruka gutorwa. Ayo mafaranga yakuwe mu kigega ca Reta mu kiringo c’indwi zibiri gusa.

Yahya Jammeh yagirizwa kandi ko yagiye atwaye imiduga y’agaciro hamwe n’ibindi bintu vyapakiwe mu ndege imbere y’uko agondozwa akarekura ubutegetsi. Mai Ahmad Faty, umuhanuzi w’umukuru w’igihugu mushasha Adama Barrow amenyesha ko abahinga muvy’ubutunzi bagiharura kugira bamenye agaciro k’ivyanyurujwe mu kigega ca Reta.

Yahya Jammeh

Adama Barrow aracari i Dakar mu gihugu ca Reta aho yarahiriye, igenekerezo azotahirako kugira ashikire ubutegetsi rikaba ritaramenyeshwa. Abasirikare ba CEDEAO bakaba bamaze ariko kwinjira mu gisagara ca Banjul muri Gambia kugira bategure umuzo w’umukuru w’igihugu Adama Barrow.