Abahinga bakoranye mu gutuza ebola

Indwara ya ebola ibandanya kubica bigacika mu bihugu vya Sierra Leone, Guinée na Liberia nk’uko ishirahamwe ryitaho amagara y’abantu kw’isi ribimenyesha.

Abahinga mu gisata c’amagara y’abantu n’abandi bavuzi karuhariwe bakaba bariko barakora ibishoboka vyose mu gupima bongera bavura abantu, ariko bikaba bitoroshe. Ico kiza c’indwara kigandagura abantu benshi ku mwanya muto, kikaba kigeze ku bantu bagera 467 bamaze kwitaba Imana, muri abo abashika 129 bitavye Imana mu kiringo c’indwi imwe gusa.

Ku murwa mukuru w’igihugu ca Ghana rero hakaba hategekanijwe inama kugira abahinga bicarane, barabe ico korwa mu maguru yavuba, kugira ico kiza gituzwe muri ivyo bihugu bitatu. Abanyagihugu imiriyoni bakaba bafise ubwoba bw’iyo ndwara mu bihugu bitandukanye, yaba ivyo bitatu hamwe n’ibindi bigera kuri 11 vyo muri Afrika bihana imbibe n’ibimaze gufatwa.