Accueil > Amakuru > u Burundi > Abahuye n’ivyago vy’imvura bakeneye imiriyoni 41 z’amadorare y’Amerika
Abahuye n’ivyago vy’imvura bakeneye imiriyoni 41 z’amadorare y’Amerika
mardi 3 Ruheshi 2014
Igihugu c’Uburundi gikeneye amafranga angana n’imiriyoni mirongo ine n’imwe z’amadorari y’abanyamerika, kugira gishobore gufasha abahuye n’ivyago muri wa myuzurira.
Umukuru w’umurwi w’igihugu ujejwe gukinga impanuka n’ivyago (plateforme nationale pour la prévention des risques et de gestion des catastrophes), Edouard Nibigira, mu nama yagiranye n’abasanzwe bafasha Uburundi yamenyesheje ko amafranga angana imiriyoni mirongo ine n’imwe z’amadorare y’abanyamerika, ari yo akenewe, ari nayo mpamvu Uburundi bwasavye ko abasanzwe babufasha boterera agacumu k’ubumwe kugira bashobore gufasha abo bahuye n’ivyo vyago.
Tubamenyeshe ko bamwe muri abo basanzwe bafasha Uburundi, bemeye gusohora amafaranga, mu gihe hokorwa ikarata yerekana ibibanza kizira kwubakamwo, kugira ntibashire uburyo bwabo mu bice bishobora guhura n’ingorane.
Floxella Karire
