Accueil > Kwidagadura > Amareresi > Abakinyi b’amareresi mu Burundi bagiye kuhatorera akoyokwe
Abakinyi b’amareresi mu Burundi bagiye kuhatorera akoyokwe
dimanche 23 Ruhuhuma 2014
Igisata c’imicokama n’amareresi mu Burundi kigiye gutezwa imbere bivuye kw’ishirwaho ry’umugambi "Nzorama" uje gufasha amashirahamwe yo mu Burundi yari asanzwe akorera muri ico gisata. Ivuka ry’umugambi Nzorama uvutse mu mashirahamwe Africalia, ihuriro Coprodac na Tubiyage, ari nayo uwo mugambi uje gutera intege.
![](local/cache-vignettes/L448xH297/dsc_0269-2-415e4.jpg?1517533438)
Umugambi Nzorama ufise ikiringo c’imyaka 2, kuva muri Ruhuhuma 2014 gushika muri Ruheshi 2016, uje gushigikira ugutunganya ibikorwa vy’amashirahamwe COPRODAC na Tubiyage mu gisata c’amareresi n’ivyese vyo mu Burundi. Iterambere ry’ico gisata ni ntangere mw’iterambere no guhumura amaso abene gihugu ku bijanye n’intwaro rusangi hamwe n’ubwigenge bwo gushikiriza ivyiyumviro.
Jean- Marie Ndihokubwayo arongoye ihuriro ry’abahinyanyuzi n’abakora ivyese COPRODAC, avuga ko ishirwa mu ngiro ry’umugambi Nzorama, ari inyungu nini kuri iryo huriro arongoye, kuko uwo mugambi uzobafasha kumenya vyinshi bijanye n’ugutunganya neza ivy’intwaro hamwe no gutanga ubumenyi buhagije mu bijanye n’amareresi n’ivyese mu Burundi. Umugambi Nzorama, biciye ku muhora ntangaza makuru «Site Web», uzofasha kumenyekanisha ibijanye n’imicokama y’Uburundi.
![](local/cache-vignettes/L448xH297/dsc_0162-5e688.jpg?1517533438)
Jean-Marie abandanya amenyeshako Nzorama izokorana na Tubiyage kuko iyo yanyuma isanzwe ishika kure mu bijanye n’udukino ikoresha hagati mu banyagihugu dukebura abene gihugu guhindura inyifato. Abanditsi n’abakinyi b’amareresi bazohabwa inyigisho zijanye n’uwo mwuga usa n’uwutitaweho cane mu Burundi. Mu migambi yo muri kazoza COPRODAC itegekanya kuzoshiraho ishuri yigisha ibijanye n’amareresi n’ivyese kugira ico gisata gishike ku rugero rw’ibindi bihugu.
Ivyo vyavugiwe mu kiganiro ku bamenyeshamakuru catanzwe n’uwuserukira ishirahamwe ryi mu Bubirigi Africalia ari n’abo bazanye umugambi Nzorama , n’abo wega hamwe n’abo uje gufasha.
![](local/cache-vignettes/L448xH297/dsc_0202-2-e51e9.jpg?1517533438)
![](local/cache-vignettes/L448xH297/dsc_0163-074a7.jpg?1517533438)
Chérif Nkeshimana
Messages
23 Ruhuhuma 2014, 15:56, par Gicocoro
Hahaha,ndumva rero abakinyi b’amareresi bagiye kuhatohokera.Ariko rero murareba ntibizohave bironka abatabigenewe.jewe mbona bokwisunga ama Group matomato asanzwe akina amareresi nka Group ICIRORE,HESHIMA Goup n’izindi.Izo akaba arizo batangura gufata mumugongo kuko zo zisanzwe zikina amareresi biciye mu kwiyungunganya.Boronka ababafasha bokora bigashimwa,ndetse boteza imbere igisata c’amareresi mu Burundi.
23 Ruhuhuma 2018, 09:00, par niyomwungere elvis
Emwe gayeee mbabazwa nuko ubushimwe buhabwa abifise mukibagirako harabandi biyungunganya batagira na management
Ariko ntanarimwe munabagendera muzi abakina ninde gusa