Accueil > Amakuru > u Burundi > Abakozi b’ibanki y’isi yose baje kugenzura ibikorwa iyo Banki ishigikiye aho (...)
Abakozi b’ibanki y’isi yose baje kugenzura ibikorwa iyo Banki ishigikiye aho bigeze
samedi 16 Ruhuhuma 2013
Umugwi ugizwe n’abakozi 9 b’ibanki y’isi yose barashitse ku kibuga c’indege mpuzamakungu ca Bujumbura kuwa gatanu igenekerezo rya 15 Ruhuhuma inyuma y’umutaga.
Nk’uko umushikiranganji w’ikigega ca Reta no gutunganya imigambi Tabu Abdallah Manirakiza yabimenyesheje bagenzi bacu ,ngo intumbero nyamukuru y’urwo rugendo ni kugira uwo mugwi wirabire aho ibikorwa bishigikiwe n’ibanki y’isi yose mu Burundi bigeze.
Mu Burundi uwo mugwi uzokwishikira ku kivi ahasanzwe hariko harangurirwa imigambi ishigikiwe n’ibanki y’isi yose.
Tubamenyeshe ko inyuma y’urwo rugendo mu Burundi,uwo mugwi w’ibanki y’isi yose uzoshika mu bindi bihugu vya Afrika bikorana n’ibanki y’isi yose.
Marie Claire Ingabire
