Accueil > Amakuru > Abakozi bo mu bushikiranganji bw’ubutungane bagiye kuronka ibirarane (...)
Abakozi bo mu bushikiranganji bw’ubutungane bagiye kuronka ibirarane vy’imishahara
vendredi 21 Kigarama 2012
Umushikiranganji w’abakozi ba Reta n’akazi arahumuriza abakozi batari abacamanza bo mu bushikiranganji bw’ubutungane kubijanye ni birarane vyabo.
Ngo bagiye kuronswa amafanga yabo y’ibirarane.
Annociata Sendazirasa aramutswa ubushikiranganji w’akazi aremanga ko hari abakozi batari abacamanza bo mu bushikiranganji bw’ubutungane bataronkejwe ibirarane vyabo kuko ama dosiye yabo atari akwiye. Uwo mushikiranganji ngo abo bakozi bazoronswa ibirarane vyabo vyo ku mishahara mu mwaka uza ariko abo bakozi batari abacamanza bo mu bushikiranganji bw’ubutungane ngo bategerezwa kubanza e kwuzuza ama dosiye yabo.
Annociata Sendazirasa, umushikiranganji w’abakozi ba Reta n’akazi avuze ivyo inyuma yaho Pascal Barandagiye umushikiranganji w’ubutungane amaze kumwandikira amakete abiri amusaba ko abakozi batari abacamanza bo mu bushikiranganji bw’ubutungane bagera kuri 96 ko yobatunganiriza kuko abandi bose bakozi bobo bari bamaze kuronswa ivyo birarane.
Abo bakozi 96 batari abacamanza bo mu bushikiranganji bw’ubutungane basaba ibirarane vyabo vy’imyaka itanu vy’amafaranga arenga imilioni 100.
Patrick Wasso
