Accueil > Amakuru > u Burundi > Abandi bapolisi bazorungikwa mu makungu
Abandi bapolisi bazorungikwa mu makungu
lundi 15 Ndamukiza 2013
Abapolisi bagera ku majana atanu bakoze ikibazo co gihiganirwa kuja guhagararira amahoro mu makungu.
Ico kibazo cabereye mu kigo ca kaminuza ya gisirikare Iscam, cari kigizwe n’ubumenyi mu ndimi (igifaransa n’icongereza), ubumenyi mu gutwara imodoka hamwe n’imyimenyerezo mu kurasa.
Nk’uko vyashikirijwe n’icegera c’umuyobozi mukuru w’igipolisi c’Uburundi, BIZIMANA Godefroid, abakoze ivyo bibazo ntibazorungikwa bose guhagararira amahoro mu makungu kubera bizovana n’ibibanza bizoba vyategekanijwe mu bihugu bikeneye izo nteko.
Twobamenyesha ko abapolisi barenga ijana aribo bamaze kurungikwa guhagararira amahoro mu bihugu vya Haïti, Côte d’ivoire hamwe n’i Darfour. Godefroid Bizimana, icegera c’umuyobozi mukuru w’igipolisi amenyesha ko ata nkunzi ija mu gutora abaserukira igihugu, ariko ko baraba nyabuna ubuhinga n’ubumenyi.
Egide Nduwimana
