Abantu 14 bahitanwe n’igisasu caturikiye i Baghdad

Abajejwe umutekano hamwe n’abaganga bavuga ko abantu cumi na bane bishwe abandi barenga mirongo ibiri barakomereka igihe haturika igisasu i Baghdad muri Irake.

Umwiyahuzi yaturikirije ico gisasu mu kibanza abajejwe umutekano basaka abinjira mu musigiti mukuru w’Abashia, mu karere ka Kadhimiyah.

Abajejwe umutekano baciye bongerezwa, barakaza kandi kurereka abarengana mu bindi bice vy’umurwa mukuru Baghdad, nk’uko tubikesha BBC.

Nta mugwi n’umwe uriyitirira ico gitero.