Abantu bagera kuri 26 bapfiriye mu giteramo kirangiza amapfungo y’aba Islam

Igiteramo co kwigina umunsi mukuru wa Aid El -Fitr mu gihugu ca Guinee cahitanye abantu 26 abandi barakomereka. Reta y’ico gihugu yashizeho ikigandaro c’indwi yose co kwibuka abapfuye. Umwe mu bajejwe gutegura ibiteramo yaciye ahagarikwa mu mabanga yiwe.

Ku mugoroba w’igenekerezo rya 29 Mukakaro, igihe abanyagihugu isinzi bo mu gisagara ca Taouyah bari ku musenyi (plage), ahitwa Rogbane mu giteramo co kwigina umunsi urangiza ukwezi kw’amapfungo kuba Islam, abagera kuri 26 barapfuye abandi bashika 10 barakomereka. Abapfuye bahitanywe n’umusunikano, guhonyorana, kubura impwemu bivuye ku bwinshi bw’abantu bari bitavye ico giteramo. Igiteramo c’umurwi witwa "Instinct Killers" ukundwa cane muri ico gihugu witabwa n’abantu benshi.

Reta y’igihugu ca Guinee yaciye ishiraho indwi yose y’ikigandaro, uwujejwe gutunganya ibiteramo yaciye akurwa mu mabanga yiwe, ahahora habera ibiteramo ku nkengera z’ikiyaga harugarwa.

Mwomenya ko kw’igenekerezo rya 31 Kigarama 2013, abandi bantu bapfuye muri ico gihugu bahitanywe n’ubwinshi bw’abari mu giteramo nyene.