Abanyagihugu basabwa kwama badoma urutoke ku nkozi z’ikibi

Umuvugizi w’igisirikare c’Uburundi Colonel Gasupari Baratuzi, yaraye abeshuje inkuru zivuga ko hari umurwi w’abarwanyi woba uriho, kandi ariwo woba waragize igitero ku modoka yahuye n’abagizi ba nabi i Buringa muri komine Gihanga.

Colonel Baratuza amenyesha ko iyo modoka yaguye mu minwe y’abagizi ba nabi, atakindi bakora atari ukubuza umutekano abanyagihugu. Umuvugizi w’igisirikare avuga ko atamurwi w’abarwanyi woba uriho mu gihe ugira igitero k’umuduga uriko urarengana, bagasahura ivy’abanyagihugu bavuye gusuma, ati ako ni akarwi k’abasuma.

Ku bivurwa ko iryo bara ryakozwe na FNL ishami rya Nzabampema, avuga ko kuba baravyemanze ko aribo babikoze, bitebe bitebuke bazobibazwa imbere y’ubutungane.
Twobibutsa ko imodoka yo mu bwoko bwa dyna yaguye mu minwe y’inkozi zikibi maze abantu babiri baca baraitaba Imana, nayo ica iraturirwa. Abakoze ivyo bakaba baciye bazimanganira mw’itongo ry’abapfuye ku Mpanda.