Abanyeshure umunani bo kw’ishuri ryisumbuye rya Rubanga barakomerekejwe

Mw’ijoro ryo kuwa mbere igenekerezo rya 18 Ruhuhuma abanyeshure umunani bo kw’ishuri ryisumbuye rya Rubanga muri komine Matana intara ya Bururi barakomerekejwe n’abantu bataramenyekana.

Nk’uko amakuru dukesha umuyobozi w’iryo shuri abimenyesha,ngo abo bakoze iryo bara baje bitwaje imbugita bashika bacumita umukuru w’abanyeshuri bo mu gisata ca mbere c’amashuri yisumbuye.

Nk’uko ayo makuru abandanya abimenyesha, ngo abanyeshuri batatu birukanywe burundu bagirizwa gukubita uwundi munyeshuri nibo bikekwa ko boba barakoze ico gitero.

Amatohoza ariko arabandanya kugira bamenye vy’ukuri aboba barakoze ivyo.