Abarundi basabwa gufasha mu gukingira igisenge gikingira izuba

Umunsi mpuzamakungu wahariwe gukingira igisenge gikingira abantu imishwarara y’izuba ushitse mu gihe ico gisenge kibangamiwe na bimwe mu vyuka biva mu mahinguriro.

Umushikiranganji w’ibidukikije Jean Claude Nduwayo avuga ko atera akamo abantu bose gukingira igisenge gikingira izuba. Avuga ko abarundi baguma bahabwa inyigisho mu gukingira ibidukikije, ivyo navyo bigafasha ico gisenge kidahungabana, no kurwanya ivyo vyose bihungabanya ibidukikije. Uwo mushikiranganji akavuga ko umwizero umaze kuboneka uravye ibikorwa biriko birarangurwa ko ico gisenge kiriko kiramera neza, ndetse akavuga ko mu mwaka w’ 2050, ico gisenge gishobora kuzoba casubiye kumera neza nk’uko cari mu myka ya 1980.

Mukamenya ko uwo munsi mpuzamakungu wama uhimbazwa uko umwaka utashe, igenekerezo rya 16 Nyakanga. Mu Burundi, ibikorwa vy’uwo munsi bikaba vyateguwe n’ubushikiranganji bw’ugukingira ibidukikije.