Accueil > Amakuru > Mu makungu > Abasiramu bo mu bihugu bitatu biyamirije Charlie Hebdo
Abasiramu bo mu bihugu bitatu biyamirije Charlie Hebdo
samedi 17 Nzero 2015
Abari mw’idini rya Islam bo mu bihugu vya Mali, Nigeria na Algerie biriwe mu myiyerekano aho biyamiriza ibicapo vy’ikinyamakuru Charlie Hebdo.
Bafise ivyandiko biriko ngo "Je suis Mahomed", "Je suis Muhammed", ‘’Je suis Musulman’’ bakaba basavye ko uwuri mw’idini rya Islam wese aho ari yokwiyamiriza yivuye inyuma ibicapo vya Charlie Hebdo biboneka Mahomet ariko ararira, afise igashushanyo ca Charlie Hebdo, ngo Je suis Charlie.
Mahmoud Dicko arongoye urwego rukuru rw’abari mw’idini rya Islam muri Mali, akaba yavugiye ku murwa mukuru Bamako ko igikuru kuri uyo munsi kutari guhamagaza isinzi ry’abari mw’idini rya Islam, ariko ko igikuru ari ukwiyamiriza agasomborotso k’ico kinyamakuru. Avuga ko isi yose ihuriye i Paris kugira barwanye iterabwoba ico kintu ni ciza, ariko akagaya agasomborotso k’ico kinyamakuru aho gicapa umuhanuzi wabo Mahomet ariko ararira.
Aristide Nizigire
