Accueil > Amagara y’abantu > Abavyeyi b’abana batewe akamo ko gucandagisha abana agasama
Abavyeyi b’abana batewe akamo ko gucandagisha abana agasama
lundi 5 Rusama 2014
Ubushikiranganji bw’amagara y’abantu no kurwanya ikiza ruhonyanganda SIDA bubicishije mu mugambi wishinze guteza imbere incanco, bwahamagariye abavyeyi gucandagisha abana urucanco rukinga indwara y’agasama.
Abavyeyi ba bana bari hagati y’amezi 18 na 23 y’amavuka, bahamagariwe kwitaba ku bwinshi akamo k’indwi ya kane muri Afrika, yahariwe urucanco rukinga indwara y’agasama. Mu Burundi ibikorwa vyo kwitaba iyo ndwi bikaba bitegekanijwe kuva kuri uyu wa kabiri, igenekerezo rya 6 Rusama, gushika igenekerezo rya 8 Rusama 2014 ku mavuriro yose yo mu gihugu.
Umuyobozi w’umugambi wishinze guteza imbere incanco, muganga Jocelyne Nsanzerugeze, mu ruganda rwari rwatunganijwe kuri uyu wa gatanu wa 2 Rusama 2014, yamenyesheje ko urucanco rugira kabiri rukinga indwara y’agasama ruzotuma amagara y’abana akomera gusumba.
Mwomenya ko ibikorwa vy’indwi ya kane muri Afrika yahariwe urucanco rukinga indwara y’agasama, biza vyatanguye gukorwa no mu bindi bihugu vyo muri Afrika
Mariella Bukuru
