Accueil > Inkino > Abigeme bazohiganwa mu gukanyaga amakinga
Abigeme bazohiganwa mu gukanyaga amakinga
jeudi 13 Ntwarante 2014
Mu ntumbero yo guhimbaza umunsi mukuru mpuzamakungu w’abakenyezi, mu ntara ya Bubanza hazobera amahiganwa y’abigeme basiganwa kwiruka ku makinga.
- Nahayo Shemsa arongoye ishirahamwe Les Championnes
Mu ntara ya Bubanza, abigeme bazohiganwa mu gukanyaga amakinga. Iryo higanwa ryateguwe n’umurwi «Les Championnes» w’i Bubanza urongowe na Nahayo Shemsa . Amakuru duhabwa na Arsène Bucuti yavuganye n’uwo arongoye iryo shirahamwe, amenyesha ko iryo higanwa ryerekeye abakobwa bose bavyipfuza, baba ab’i Bubanza canke ahandi, kuko iryo higanwa rije mu ntumbero yo guhimbaza umunsi mukuru mpuzamakungu w’abakenyezi wahimbajwe kw’igenekerezo rya 08 Ntwarante.
Urugendo bazofata si ruto. Bazohera imbere y’ishuri ry’imyuga ( ETMM), bace imbere y’ikibuga c’i Bubanza bamanuke kuri zone Mitakataka, bakoroke i Randa ku Musenyi no ku Muzinda bace basubira aho bavuye. Urugendo bazotangura igihe c’isaha zine (10h) rumeze uku : Ishure y’imyuga (ETMM) - Stade - Mitakataka Randa - Gasenyi - Muzinga bace basubira iyo bavuye.
Iryo higanwa ryo gusiganwa ku makinga rizoba kuri uwo wa gatandatu, igenekerezo rya 16 Ntwarante.
Cherif Nkeshimana
