Afirika y’epfo:Nelson Mandela yatoye mitende

Uwahoze ari umukuru w’igihugu ca Afirika y’epfo Nelson Mandela aherutse kuva mu bitaro ubu amagara yiwe akaba yifashe neza nk’uko vyashikirijwe n’ibiro vy’umukuru w’igihugu kw’igenekerezo rya 6 Nzero umwaka w’2013.

Uyo mutama w’imyaka 94 afise ingwara y’amahaha ,ariko bakaba baramubaze kandi inyuma yo kubagwa bigenda neza ,ubu rero akaba yatoye mitende , ndetse n’abaganga bamukurikiranye bakaba bemeza yuko uko imisi ihera ariko amagara yiwe atera amera neza.Ariko rero abaganga babandanya kumukurikiranira muhira iwe i Houghton ku mugwa mukuru Johannesburg nk’uko itangazo ryo mu biro vy’umukuru w’igihugu ribandanya ribivuga .

Ku musi wa kane umwuzukuru wa Nelson Mandela akaba yari yabwiye itororokanirizo ry’abafaransa AFP yuko sekuru ameze neza gusumba uko yahora.