Accueil > Amakuru > u Burundi > Amabi y’ubwicanyi aguma y’ibonekeza mu ntara zimwe zimwe z’Uburundi
Amabi y’ubwicanyi aguma y’ibonekeza mu ntara zimwe zimwe z’Uburundi
mercredi 27 Ruhuhuma 2013
Mu ntara ya Kayanza abantu batatu nibo bishwe kuri uyu wa mbere igenekerezo rya 25 Ruhuhuma umwaka w’2013 mubu cagucagu isaha 11 zo mu gatondo bakaba bishwe na grenade ku gatumba Mugoyi muri Komine Kabarore mu ntara ya Kayanza.
Mu ntara ya Bururi naho, hari umusore yari yagirizwa ko yishe umumwigisha wo kuri Lycee communal y’I Gahama muri komine Bururi akaba yaciye afatwa kur’uyu w’Imana igenekerezo rya 24 Ruhuhuma 2013 n’igiporisi ca komine Mabanda mu ntara ya Makamba. Urubanza rwiwe rukaba rwaciye rw’ungururizwa muri sentare y’I Bururi.
Mu ntara ya Kirundo hari umupfasoni yafasahwe kuva hirya y’ejo akaba apfungiwe mu gasho k’igiporisi mu Kirundo. Uwo mupfasoni yagirizwa ko yaturiye inzu babamwo. Umugabo wiwe yar’ari muri iyo nzu yarashoboye kuyisohokamwo ariruka ariko umuriro yaratokombeje inzu yose ntaco barokoyemwo nkuko dukesha ayo makuru bagenzi bacu bakorera rtnb.
Grace Irimbere
