Amanota azofatirwa abakoze ikibazo giheza amashure yisumbuye buca amenyekana

Amanota azofatirwako mu kibazo ca Reta c’umwaka w’2014 azomenyekana kw’igenekerezo 24 Kigarama uyu mwaka nk’uko bishikirizwa n’umukuru w’umurwi wari ujejwe gutegura ico kibazo.

Nk’uko Sylvestre Batemba abimenyesha, amashure ataraza gutora impapuro zakoreweko n’abanyeshure bonyaruka, kugira abazobona hari aho barenganijwe bashobore kwitura uwo murwi ubatunganirize. Umukuru w’uyo murwi rero akavuga ko barindiriye abazobitura kugira barenganurwe hamwe vyogaragara ko barenganijwe, ariko bagasabwa kutarenza kuri uyu wa 27 Nyakanga.

Mukamenya ko bamwe mu banyeshure bahejeje amashure yisumbuye na cane cane abahejeje mu bisata vy’ubushakashatsi n’indome za none babona ko vyoba bitagenze neza amanota yo kubandanya muri kaminuza ya Reta atabonetse, bariko bararondera aho bashobora kugira inyigisho zo kwigisha mu mashure mato mato.