Abakobwa bo kw’ishure rya Chibok bagizwe imbohe berekanwe ari bazima

Amasanamu yashizwe ahabona n’abarwanyi ba kiyisilamu ba Boko Haram muri Nigeriya yerekana benshi mu bana b’abakobwa bagizwe imbohe bakuwe kw’ishure rya Chibok, bakiri bazima.

Ayo masanamu asa n’ayafashwe mu kwezi kwa 12, arungikirwa Reta ya Nigeriya, akerekana abakobwa 15 mu makanzu yirabura, bivuga nk’abanyeshuru bafashwe bagirwa imbohe bakuwe kw’ishure bigako.

Bamwe muri abo bari kuri ayo masanamu bamenywe n’abavyeyi babo.
Ni amasanamu ya mbere abonetse y’abo bakobwa kuva mu kwezi kwa Gatanu 2014.

Ifatwa ry’abakobwa 276 ryabaye imbarutso y’ibikorwa vyo kwiyamiriza ibikorwa vya Boko Haram, aho ku mbuga ngurukanabumenyi zitandukanye kw’isi yose hatangujwe isekeza bise #BringbBackOurGirls", bisigura : Garukana Abakobwa Bacu. Na Michelle Obama, umugore w’umukuru w’igihugu wa Reta Zunze Ubumwe za Amerika ari mubagize uruhara muri iryo sekeza, hamwe n’abandi bantu b’ibihangange kw’isi yose, naho abo bakobwa bataragarukanwa gushika ubu.