Accueil > Amakuru > Muri Afrika > Amatohoza yerekanye ko Yasser Arafat yoba yishwe n’uburozi
Amatohoza yerekanye ko Yasser Arafat yoba yishwe n’uburozi
mercredi 6 Munyonyo 2013
Abahinga bo mu gihugu c’Ubuswise bamenyesheje ko inyuma yo gusuzuma ikiziga ca Yasser Arafat, uwahoze ari umukuru w’abanyapalestina, basanze yari afise uburozi bwa polonium mu mubiri wiwe.
Mu nyandiko yasohowe ku mbuga y’ibimenyeshamakuru Al Jazeera na The Guardian, abo bahinga bamenyesheje ko ibipimo vyakozwe vyerekanye ko amagufa ya Yasser Arafat yari afise polonium n’imiburiburi ingana n’icuro 18 gusumvya urugero rusanzwe.
Suha, umukambukanyi wa Yasser Arafat, yavuze ko inyishu z’ivyo bipimo zemeza ko yishwe.
Haheze imyaka 9 Yasser Arafat yitavye Imana, biturutse ku ngwara itamenyekanye neza, yamufashe akanya gato.
Reta ya Israeli yarahakanye kuba hari uruhare yagize mu rupfu rwa Yasser Arafat.
Mwomenya ko abo bahinga bakoze ayo matohoza batigeze bagira ico bashikiriza ku kibazo c’uwoba yarishe Yasser Arafat, canke ku kungene yoba yarishwe.
Egide Nduwimana
