Amerika yasabwe gusubiza amafaranga yatswe abategetsi ba FIFA

Amerika yasabwe n’ishirahamwe mpuzamakungu ry’umupira w’amaguru kw’isi (FIFA) ko yoriha amahera agera ku miriyoni 200 z’amadorare zatswe abategetsi ba FIFA batawe muri yompi.

Abayobozi ba FIFA bavuga ko iryo shirahamwe ryarenganijwe, bakaba bashikirije ibirego ku mushingwamanza mukuru wa Amerika.

Muri iryo shirahamwe basaba ko bohabwa amafaranga agera ku miriyoni 200 z’amadorare zatswe abategetsi ba FIFA bemeye ko bariye ruswa.

Umukuru mushasha wa FIFA, Gianni Infatino yamenyesheje ko ayo mafaranga yatswe FIFA mu buryo butubahirije amategeko, agasaba ko iryo shirahamwe ryoyasubizwa.

Gianni Infatino

Amerika ikaba iriko irakora igendereza ryo ku rwego rwo hejuru kuri abo bategetsi ba FIFA.