Ubushikiranganji bw’ubutungane buranezerezwa n’ivyaranguwe mu mezi atatu

Amezi atatu arangiye, ubushikiranganji bw’ubutungane buranezerezwa n’uko ibikorwa vyagenze nk’uko bishikirizwa na Pascal Barandagiye aramutswa ubwo bushikiranganji.

Amenyesha ko muri aya mezi atatu arangiye, abacamanza bakoranye ishaka ridasanzwe aho amwe mu madosiye y’imanza bayarangije. Barandagiye kandi akaba yaboneyeho kumenyesha ko no mu minsi y’impera z’iyinga bazohora bakora mu gihe c’amatora. Umushikiranganji w’ubutungane akaba yaboneyeho no kumenyesha ko amabohero yonyene agiye kuzitunganya, hagashobora gukorwa n’ibikorwa bishobora gutuma zimwe mu ngorane z’ubutunzi zihanze amabohero zitorerwa inyishu.

Ariko rero tukabamenyesha ko amwe mu mabohero yo mu giporisi canke mu makomine nk’uko vyagiye biravugwa n’ishirahamwe APRODH usanga atagira ubuzu bwa surwumwe, ayandi nayo ugasanga atagira amadirisha, ku buryo abanyororo bashobora kuhakura n’indwara z’amaso. Ubushikiranganji bw’ubutungane bugahamagarirwa kugira ico bufashije kuri izo ngorane z’ayo mabohero.