APRODH : Ubutungane bwarumvise akamo dutera

Ishirahamwe rirwanira agateka ka zina muntu n’akabapfungwa APRODH bamenyesha ko bashimishwa n’intambwe ubutungane bumaze gutera mu bijanye n’ukunyarutsa guca imanza hamwe n’itotezwa ryagabanutse mu minyororo.

Nk’uko biva mu matohoza aheruka gukorwa, Fabiyano Sinankwa, umunyamabanga mpuzabikorwa w’ishirahamwe APRODH amenyesha ko abanyororo 519 ku majana ane aribo bamaze kurekurwa, agakenguruka ko akamo bama batera ko kunyarutsa imanza kariko karumvirwa.

Tukaba twobamenyesha kandi ko abapfungwa 7.500 bo mu minyororo cumi n’umwe aribo barekuwe muri ya ngingo y’umukuru w’igihugu yo kugabanya ibitigiri vy’abapfungwa bagirizwa ivyaha bito bito.