Bagiriza umukuru w’umutumba wabo kurya igiturire

Mu gisata c’intwaro ibereye, abanyaguhugu bo ku musozi Mugongo, komine Bwambarangwe, intara ya Kirundo baridogera umukuru w’umutumba wabo, Albéric Miburo, ko acisha ibiti vya komine atabiherewe uruhusha. Yagirizwa kandi kurya igiturire no kuba yaranyuruje imfashanyo yari igenewe abanyagihugu. Abo batwarwa basaba ko uwo mukuru w’umutumba yokomborwa muri ayo mabanga kuko adatunganiriza abo atwara.
Uwo mutware yamirira kure ivyo birego akavuga ko abo bavuga ivyo bafise izindi ntumbero.