Accueil > Amakuru > u Burundi > Bamwe mu banyagihugu batanguye gutahura akamaro ko kuvyara bake
Bamwe mu banyagihugu batanguye gutahura akamaro ko kuvyara bake
mercredi 5 Munyonyo 2014
Abarundi batandukanye bariko baratahura akamaro ko kuvyara abana bashoboye kurera ndetse n’ugutandukanya imvyaro.
Médiatrice Manindabire, avuga ko we n’umugabo wiwe bamaze kwumvikana ko bazovyara abana batatu gusa, kandi bakabakurikiranya inyuma y’imyaka ine. Uwo mupfasoni avuga ko atarushinge canke akanyuzi akoresha ariko we n’umugabo wiwe bavyiyumvikanira, bagakoresha kwihangana. Umwana wiwe wa mbere afise imyaka ibiri, bakaba bategekanya ko bazomukurikiza afise imyaka ine.
Uwo mukenyezi wo ku musozi wa Masama muri komine ya Mbuye intara ya Muramvya, akaba amenyesha ko icabatumye bifatira iyo ngingo babitumwe n’iyaga ry’isi, ndetse n’indyane ziri mu matongo, aho abantu bicana bapfa amatongo, canke bakicana kubera kwagirwa n’ukudashima utwo bafise.
Aristide Nizigire
