Basaba ko ata tegeko ryosubira gushirwa mu ngiro batagishijwe inama

Amakinga asanzwe yunguruza abantu yose ategerezwa kuba afise amaparati nk’uko bishikirizwa na Jean Claude Ntahimpereye arongoye igisata c’ugutwara abantu n’ibintu mu gisagara ca Bujumbura.

Jean Claude Ntahimpereye ashikiriza ko ikinga ryose ritegerezwa gukurikiza amategeko y’ibarabara, hagakurikizwa ndetse n’ingingo ya 434 y’itegeko rigenga amabarabara. Abagendesha amakinga rero bakaba batorohewe kuva kuri uyu wa kane Munyonyo, aho amakinga atari make yafashwe n’abaporisi.

Ariko rero abatwara amakinga si uko babibona, abakavuga ko iryo tegeko rije gikubikubi, kuko batagishijwe inama. Baremeza ko ataworeka gukurikiza amategeko, ariko bagasaba ko ahubwo nabo bokoroherezwa, itegeko ryose riberekeye bakabanza kurigishwa inama imbere y’uko rija mu ngiro.