Accueil > Inkino > basketball > Basketball: Imirwi y’Urunani na Les Gazelles yatahukanye ibikombe
Basketball: Imirwi y’Urunani na Les Gazelles yatahukanye ibikombe
lundi 20 Ndamukiza 2015
Ihiganwa rya Basketball ku rwego rwarangiye mu ntara ya Gitega, imirwi y’Urunani ku bagabo na Les gazelles mu bakobwa n’iyo yatahukanye ibikombe.
- Abakinyi b’Urunani bahejeje kuronka igikombe
Mu gice ca kabiri gishira icanyuma, ku ruhande rw’imirwi y’abahungu, Dynamo yatsinze New Stars amanota: 74- 62, Urunani rutsinda Muzinga amanota: 64-34. Ku ruhande rw’abakobwa, Les Gazelles yatsinze Young Sisters, nayo Berco Stars yihaniza Les Copines 50-38.
Mu nkino za nyuma, Urunani rwahuye na Dynamo, maze rutsinda amanota 73-58, nayo Les Gazelles itsinda Berco Stars amanota 58-48. Gutyo ibikombe vy’umwakaka w’i 2015, bitwara Urunani ku rwego rw’abahungu, na Les Gazelles ku ruhande rw’abagore.
- Les Gazelles bahejeje kuronka igikombe
Mwomenya ko inkino zabereye mu ntara ya Gitega kugira n’izindi ntara zibone ko urukino rw’umupira w’amaboko Basketball, rutiharijwe n’igisagara ca Bujumbura gusa.
Cherif Nkeshimana
