Accueil > Kwidagadura > umucuraranzi > Bedja yipfuza kuba umuserukizi w’umuziki w’Uburundi mu Bufaransa
Bedja yipfuza kuba umuserukizi w’umuziki w’Uburundi mu Bufaransa
mardi 26 Myandagaro 2014
Umuririmvyi Bedja ava mu gihugu c’Ubufaransa mw’izinga rya Mayotte amaze gushika ku kibuga c’indege ca Bujumbura, yamenyesheje ko ashobora kuzova mu Burundi akoranye indirimbo n’abaririmvyi b’Abarundi bazoba bavyipfuza.
- Bedja ari kumwe n’umuyobozi wa radio Culture
Bedja amaze gushika ku kibuga c’i ndege c’i Bujumbura yarishuye ku bibazo vy’abamenyeshamakuru. Ku kibazo c’uko yoshobora gukorana indirimbo n’abaririmvyi b’Abarundi narirya hari abaririmvyi bazomufasha ibiteramo ajemwo, Bedja yishura ko coba ikintu ciza cane kuri we kuko yoheza agasa n’umuserukizi w’umuziki w’Uburundi mu gihugu iwabo. Aremeza kandi ko azi bamwe mu baririmvyi b’Abarundi ariko atibuka neza amazina, bisigura ko umuziki w’Uburundi ushika kure cane, no mu mazinga ubasangayo.
Mwomenya ko uwo muririmvyi mpuzamakungu aje gutanguza umugambi mushasha w’insamirizi y’imicokama aho abaririmvyi bo mu Burundi, bazoshobora kuronswa amahigwe yo kurahura ubumenyi mu makungu.
Tubibutse ko Bedja afise ibiteramo 2, kimwe kizoba kw’igenekerezo rya 29 Myandagaro kuri Club du Lac Tanganyika. Aho azoba ari kumwe n’umuririmvyikazi Natasha, bukeye kabiri hazoba ari kw’igenekerezo rya 31 aho naho azoba ari mu giteramo mu kigom ndangakaranga "Musee Vivant". Muri ico giteramo, Bedja azofadikanya na Rally Jo, Happy Famba, Black J, na Kook K.
Cherif Nkeshimana
