Accueil > Amakuru > u Burundi > BNUB yongewe ikiringo gushika kuwa 31 Kigarama 2014
BNUB yongewe ikiringo gushika kuwa 31 Kigarama 2014
vendredi 14 Ruhuhuma 2014
Inama nkuru ijejwe umutekano mw’ishirahamwe mpuzamakungu ONU, yaremeje umurwi wo gukurikirana amatora mu gihugu c’Uburundi, kuva imbere y’amatora, mu matora n’inyuma y’amatora.
Kuri uyu wa 13 Ruhuhuma uyu mwaka, iyo nama nkuru y’umutekano mw’ishirahamwe mpuzamakungu ONU ikaba yarafashe iyindi ngingo ikomeye, yo guha ikiringo BNUB gushika mu mwaka w’2014, igenekerezo rya 31 Kigarama. Inyuma y’iryo genekerezo hakazoba hatanguye uwundi murwi uzoba uriko ukurikirana amatora mu Burundi.
Inama nkuru y’umutekano rero ikaba ishimisha n’ivyumvikanywe n’abanyeporitike mu ntara ya Kayanza, mu biganiro vyahuje imigambwe na Reta y’Uburundi, n’ugushira mu ngiro ivyo imigambwe yemeranije na Reta, eka ndetse n’ugutegura amatora meza yiyumvamwo bose. Inama nkuru y’umutekano, ikaba itera intege Reta y’Uburundi kurwiza inguvu, mu gutunganya neza igisata ca poritike, ubutunzi, intwaro no kurwanya igiturire.
Tukabamenyesha ko ishirahamwe BNUB ryatanguye mu mwaka w’2006 rije gufasha gutsimbataza amahoro, hagati ya Reta n’imirwi ya rwana harimwo CNDD FDD, no gufasha gutsimbataza intwaro, kwaka ibirwanisho imirwi yarwana ico gihe, n’ibindi.
Aristide Nizigire
Messages
14 Ruhuhuma 2014, 17:15, par musitanteri
ahubwo bayihe indaro kuko ntiduteze kugira amahoro niyi dd
14 Ruhuhuma 2014, 18:45, par Rita NAHIMANA
Eka no muri 2014 fin de l’annee eka nta bnub iriko irahava mbega wibaza ko bahumirije batabona ko igihugu atako cifashe , ngira bibaza ko babona barungika abasoda hanze ngo vyose ni vyiza, eka barazi ko dukenye turondera amahera aja mumizeze yacu.
15 Ruhuhuma 2014, 12:02, par jeanluc
Ega abazungu babasunvya ubwenge.baraziko umusirikare w’uburundi agowe, nogufasha kurimwo,mwibazako aruko boba bishimira kurwa mumahanga? Ahibambewe mubanigiwe mumenshi barimwo nabo barabizi bakitanga mukwironderera,nkumuswi utagira nyina
15 Ruhuhuma 2014, 22:49, par Giramahoro
CNDD-FDD muyanka canke muyemera,dutegerezwa kuzoyitora 2015 mbere ninyuma yahoo,ntawanka kwonka nyina ngwagwaye AMAHERE,ahibambewe izotogwa ,vyiza vyabantu.nitwe tuzi aho yadukuye,ntituribagira inzirakarengane zishwe zituriwe namapine,izindi zikaraswa,tutibagiye abasogoswe nimigano.ntitwibagire ABANA bibuta,kibimba,gitega,nahandi,BUNUB niyo izotubera icabona,mwibuke ko2010 yemeje kwamatora yagenze neza cane.muga ntibaretse guhunga IGIHUGU ngo bibwe AMAJWI.nimwemere mutwagwe neza mutayogora,kunda ibikorwa n,IMANA benewacu.