Boeing Dreamliner zabujijwe gufata ingendo

Ubuyobozi bushinzwe gukurikirana ivy’indege kw’isi bwafashe ingingo yo kubuza indege zo mu bwoko bwa Boeing Dreamliner kuguruka ziva ku kibuga c’indege kuko zifise ingorane zoshobora gutuma zotera amasanganya.

Boeing Dreamliner n’indege zikozwe mu buhinga bwa none bugezweho kurusha izindi zose ziriho gushika ubu. Ibihugu vya buraya, Quatar n’Ubuhindi vyabujije izo ndege kuguruka imyuma y’umusi umwe uheze iyo ngingo ifashwe n’ibihugu vya buraya ,Leta zunze ubumwe za America na chili.

Izo ndege zo mu bwoko bwa Boeing Dreamliner zishika 50 akaba arizo zikora mu mihingo itandukanye kw’isi,kandi mu ndwi ziheze izo ndege zikaba zagiye ziragira ingorane zikomeye,harimwo n’ukwiyadukiza kw’umuriro.

Ishirahamwe LOT ryo mu gihugu ca Pologne ari naryo rifise ubwoko bw’izo ndege iburaya ikaba yamenyesheje ko ishobora gusaba Boeing indishi y’akababaro.