Boko Haram yarekuye abantu barimwo umukenyezi w’icegera c’umukuru w’igihugu wa Cameroun

Abashinwa bari banyurujwe n’abarwanyi ba boko haram mu gihugu ca Nigeria co kimwe n’umutambukanyi w’umushikiranganji wa mbere wa Cameroun barekuwe.

Abo bashinwa bakaba bari banyurujwe mu kwezi kwa Rusama, inyuma y’aho abo barwanyi batereye ihinguriro ry’abo bashinwa. Uwundi yarekuwe n’abo barwanyi, akaba ari umutambukanyi w’umushikiranganji wa mbere wa Cameroun nawe yari yanyurujwe mu kwezi kwa Ruheshi, aho yari yakuwe mu muduga, ariko aja kuramukanya. Igihugu ca Cameroun kikaka ubu gicungereye umutekano ku rubibe gihana na Nigeria, aho abasirikare badakubita urugohe, kugira ntibaterwe n’izo ntagondwa.

Abo barwanyi rero bakaba baheruka kwagura ikirere bagiramwo intambara, aho kuva muri Nigeria kugeza mu Buraruko bwa Cameroun abanyagihugu bama bicura izo ntagondwa.