Bubanza: Itanguzwa ry’umugambi w’amagara meza n’irondoka

Umushikiranganji w’amagara y’abantu no kurwanya ikiza ruhonyanganda Sida, muganga Sabina Ntakarutimana, yaratanguje icese kuwa gatanu igenekerezo rya 29 Ntwarante, mu ntara ya Bubanza, umugambi w’amagara meza n’irondoka.

Uwo mugambi uje gusahiriza uw’irondoka rijanye n’amagara meza utari bwashike ku ntumbero yawo mu vyerekeye gutandukanya imvyaro. Kubw’umuhuza bikorwa w’uwo mugambi muri Health Net TPO, muganga Gilbert Batungwanayo, uwo mugambi ahanini uje kwigisha no gukabura ubwenge mu bijanye no gutandukanya imvyaro.