Bubanza: Umuntu umwe yarishwe mu gitero c’abantu bitwaje ibirwanisho

Umuntu umwe niwe yishwe arashwe n’abasirikare,inyuma y’igitero cabaye mw’ijoro ryo kuw’Imana igenekerezo rya 6 Nyakanga 2015,ahitwa i Buringa,muri komine ya Gihanga mu ntara ya Bubanza.

Amakuru ava ngaho i Buringa,hafi y’ikibuga c’indege mpuzamakungu c’i Bujumbura,ico gitero cabereye kw’ibarabara rya Bujumbura Cibitoki,ku kirindiro c’abasirikare no ku yandi mamodoka yaca kuri iryo barabara.

Ayo makuru nyene amenyesha ko abasirikare bishe umuntu ashobora kuba yari muri uwo murwi,kandi ko ikirwanisho yari afise naco nyene cafashwe n’abasirikare b’igihugu.Gushika ubu abanyagihugu baho i Buringa bavuga ko batazi ko coba cari igitero categuwe gukorerwa abasirikare canke ari ubusuma busanzwe.

Mwomenya ko muri iyo ntara ya Bubanza,hari haheze iminsi hari abantu banyuruza abanyagihugu,kugira babasubize bagategerezwa gutanga amafaranga.