Ubuskiranganji bwo kumenyesha amakuru bwararanguye ibitari bike

Kuri uyu wa kabiri igenekerezo rya 30 Ndamukiza 2013, umushikiranganji wo kumenyesha amakuru umupfasoni Lewokadiya Nihazi, yamenyesheje ko kuva mu ntango z’uyu mwaka w’ 2013 ibikorwa 18 bimaze kurangurwa mu mezi atatu y’igice ca mbere.

Ivyaranguwe n’ubushikiranganji bujejwe kumenyesha amakuru nkuko bibandanya bishikirizwa n’umupfasoni Nihazi, ngo ni nk’ibikorwa bijanye na fibre optique vyategerezwa gukorwa ku birometero 1280 ubu bikaba bigeze ku birometero 700, bisigura ko ngo mu gihe gito ivyo bikorwa bishobora kuba vyarangiye.

Umushikiranganji Lewokadiya Nihazi yaheraheje amenyasha ko amategeko menshi yizwe mu bushikiranganji arongoye, araheza arungikirwa inama nshingamateka.