Burundi: Ubuzi 20 000 bugiye gushingwa na Leta

Umushikiranganji w’abakozi n’akazi mu Burundi yamenyesheje ko gushika mu mpera z’umwaka w’2013, ubuzi bugera ku bihumbi mirongo ibiri aribwo buzoshingwa kuri bene gihugu bato bato.

Umushikiranganji Annonciate Sendazirasa yamenyesheje ko ubwo buzi ibihumbi mirongo ibiri buzoshingwa mu mugambi wa Leta wo kugabanya igitigiri c’urwaruka rutagira kazi mu Burundi, ubwo buzi bukaba bwerekeye igisata c’uburimyi no guhingura ivyavuye mu burimyi.

Twobamenyesha ko Leta y’Uburundi yahagurukiye ikibazo c’ubushomeri mu ntumbero yo kuduza ubutunzi bw’igihugu aho imigambi itari mike iriko irarangurwa, urwaruka narwo rukaharonkera akazi. Mu mwaka w’2012, urwaruka rugera ku bihumbi cumi na bitanu rukaba arirwo rwahawe akazi.