Accueil > Diaspora > Canada: Umurundi yatowe ikiziga areremba mu ruzi
Canada: Umurundi yatowe ikiziga areremba mu ruzi
samedi 29 Ruheshi 2013
Michael Niyongabo umurundi w’imyaka 21 y’amavuko, yatowe ikiziga n’igipolisi co mu gihugu ca Canada haraheze iminsi mu gisagara ca Ontario i Windsor.
Igipolisi co muri Canada kiriko gisaba kuronswa amakuru ajanye n’urupfu rw’uyo musore na cane cane kigasaba kumenya ibiranga uyo murundi yaba muri ico gihugu. Ivyo navyo bikaba ngo vyofasha mu kumenya inyanduruko y’urupfu rwa Michael Niyongabo.
Igipolisi c’i Windsor gisaba ko uwoba afise amakuru ku rupfu rw’uyo musore, ko yohamagara kuri 519-255-6700. Michael Niyongabo yatowe ariko arareremba mu ruzi Detroit, hafi ya Russell Street kw’igenekerezo rya 20 Ruheshi uyu mwaka. Akaba yari yize muri kaminuza ya Windsor imyaka ibiri.
Iyi nkuru tukaba tuyikesha ubuhinga ngurukana bumenyi blackburnnews.com
![](local/cache-vignettes/L452xH600/arton5562-32b4b-c1d82.jpg?1517290822)
Mariella Bukuru