Accueil > Amakuru > Poritike > CENI:ʺAbarenga 70 kw’ijana baritavye amatoraʺ
CENI:ʺAbarenga 70 kw’ijana baritavye amatoraʺ
mercredi 1er Mukakaro 2015
Umurwi utegura amatora CENI umenyesha ko abarundi bakwije ibisabwa n’amategeko ngo baje mu matora barenga 70 kw’ijana bagiye gutora.
Umuvugizi w’umurwi CENI Prosper NTahorwamiye avuga ko muri rusangi amatora yagenze neza,naho hari abatoye imigambwe itavuga rumwe na Reta,kandi iyo migambwe n’inani bari basavye abanywanyi babo kutitaba ayo matora.
Prosper Ntahorwamiye avuga ko ibiharuro biriko vyegeranirizwa mu mirwi ijejwe amatora mu makomine CECI no mu ntara CEPI.
Ku ruhande rw’abatavugarumwe na Reta batitavye amatora,ariko batowe,umuvugizi w’umurwi CENI amenyesha ko amajwi yabo bazoyaharura kandi babahe n’intebe,kuko umurwi CENI ata rwandiko waronse rumenyesha ko bavuye muri ayo matora.
Mu murwi CENI bakavuga ko urwandiko baronse rwari urwo ikivunga,kuko abaruteyeko umukono baruteyeko umukono bavuga ko baserukira imigambwe itemewe n’amategeko.
Mwomenya ko ayo matora y’abajenama b’amakomine n’abashingamateka,yitabwe n’umugambwe CNDD-FDD,UPRONA irongowe na Concilie Nibigira,Urunani COPA hamwe n’umugambwe FNL urongowe na Jacques Bigirimana.
Messages
1er Mukakaro 2015, 11:13, par Gybson Ntirampeba
ivyo mu burundi ni kananirabahinga,ariko umunt yakubwiye ko ataja mu matora hari ikindi kiba gisigaye!Ko babaha amajwi ku nguvu badashaka ntiwumva ko hari icinyegeje inyuma yavyo.ko bari bamaze kuvuga no kwandika ko bavuyemwo ni ikintu coroshe cane guca ufata amajwi baronse ukagwiza n’ubusa hama imigambwe yasigaye igakomeza amatora.AHUBWO CENI HARI ICO YATINYE!ubu natwe abanyagihugu batobato twarakanuye.
1er Mukakaro 2015, 11:16, par Melchiade
Igihe Murateye Isoni Mukwerekana Ko Mudashigikiye Ubutegetsi Mukuvuga Umurwi Cni Ko Arumugambwe Kosora Iyo Nyandiko Mwakoresheje
1er Mukakaro 2015, 12:22, par JEAN
UBWO NUBUBESHI ABATOYE NIBAKE CANE
1er Mukakaro 2015, 12:34, par Hinduringendo
Uwo Mugambw Ceni Uha Amajwi Abatayasavy Ushaka Ik?Ugomba Ucanishmwo Imigambw Nkabandi ?Wahinduts Ministere De L,interieur.
1er Mukakaro 2015, 12:34, par Hinduringendo
Uwo Mugambw Ceni Uha Amajwi Abatayasavy Ushaka Ik?Ugomba Ucanishmwo Imigambw Nkabandi ?Wahinduts Ministere De L,interieur.
2 Mukakaro 2015, 16:57, par Nizigiyimana Célestin
Kubwanje ndavye ingene bimeze abakuyemwo akarenge nimubareke tuzarabe amaherezo yabo.wanka guhiganwa kuko ubona atakizovamwo.Murico gihe utegerezwa kwemera ivyo abandi bagize.