Centrafrika : Ingorane ziracahanze Reta y’ico gihugu

Ingorane ziracari zose muri Reta y ‘igihugu ca Centrafrika, mu gihe Reta y’ico gihugu itagira umushikiranganji wa mbere, uwari yagenywe n’ubu akaba atarahurizwako na bose.

Mahamat Kamoun yari yagenywe ku wa 10 Myandagaro kugira abe icega c’umukuru w’ico gihugu, kugeza n’ubu ntaremezwa n’inama nshingamateka. Umukuru w’inama nshingamateka y’imfatakibanza y’ico gihugu ca Centrafrika, akavuga ko uwo Mahamat Kamoun atarahurizwako na bose, ndetse igitigiri cotuma atangura amabanga yiwe, kikaba kitarakwira. Alexandre Ferdinand Nguendet umukuru w’inama nshingamateka vy’imfata kibanza, akavuga ko hokorwa ibishoboka vyose, hakaboneka umushikiranganji wa mbere mu maguru masha, kugira ashireho Reta.

Mwomenya ko ico gihugu ca Centrafrika kimaze iminsi kiri mu ndyane z’urutavanako. Ibihugu bitandukanye vy’Afrika harimwo n’Uburundi, bikaba biriko birakora ibishoboka kugira amahoro muri ico gihugu aboneke.