Accueil > Amakuru > Muri Afrika > Centrafrika : Intureka zabujije ko imfashanyo zishikira abanyagihugu
Centrafrika : Intureka zabujije ko imfashanyo zishikira abanyagihugu
samedi 8 Ntwarante 2014
Mu gihugu ca Centrafrika, intureka zongerekanye, na cane cane mu buraruko bw’ico gihugu. Izo ntureka zikaba zatumye abanyagihugu bataronka ikibafasha, ku buryo n’ababazanira imfashanyo bataronka aho baca, nk’uko vyashikirijwe n’ishirahamwe ry’abaganga batagira imbibe MSF (Médécins Sans Frontières).
Umutekano uracameze nabi mu gihugu ca Centrafrika, ku murwa mukuru Bangui, ku buryo n’amashirahamwe ashaka gushikanayo imfashanyo babura aho bazicisha, nk’uko biri mw’itangazo ryashikirijwe n’ishirahamwe MSF ry’abaganga batagira imbibe.
Mw’ishirahamwe MSF bavuga ko abakozi baryo basanzwe bakorera mu duce twa Boguila, Kabo, Ndele, hamwe n’ikambi M’Poko isanzwe iri mu kibuga c’indege caho mu gisagara ca Bangui barasahurwa iyo bahuye n’abo bagizi ba nabi. Ku bitaro, aho basanzwe bakorera, abo bakozi barakunze guhura n’ingorane y’umutekano muke. Ubu rero bamenyesha ko babuze n’ingene bashikiriza imfashanyo abo abanyagihugu basanzwe bafasha.
![](local/cache-vignettes/L672xH449/inse-b2eaf.jpg?1550978982)
Floxella Karire