CHAN 2016 : Congo irindiriye kumenya umurwi bazohura mu rukino rwa nyuma

Umurwi uzohura na Repuburika iharanira intwaro rusangi ya Congo mu rukino rwa nyuma umenyekana kuri uwu wa kane mu rukino ruza guhuza Mali na Côte d’Ivoire mu rukino rw’igice kabiri gishira ica nyuma, rubera ku kibuga (Stade) ca Kigali i Nyamirambo, igihe c’isaha icumi z’umuhingamo.

Urukino rwa Côte d’Ivoire na Mali ruza kuba rufise umusifuzi (arbitre) w’umunya-Misiri, Nlourredin Ibrahim, afatanije na Marengula Arsenio wo muri Angola, hamwe na Ahmed Hossam wo mu Misiri.

Umurwi uzokina na Congo mu rukino rwa nyuma kw’igenekerezo rya 7 Ruhuhuma 2016 igihe c’isaha cumi na zibiri n’igice z’umugoroba umenyekana mu mwanya muto w’urukino usigaye. Umurwi utsindwa muri urwo rukino uzoca uhura na Guinea, mu guhiganirwa ikibanza ca gatatu, aho naho akaba nyene azoba ari kw’igenekerezo rya 7 Ruhuhuma 2016, igihe c’isaha icenda, kuri Stade Amahoro i Remera.