CHAN 2016 : Igice ca kane c’inkino citezwe n’abarorerezi isinzi

Inkino za CHAN 2016 zigeze mu gice ca kane gishira ica nyuma kiza gutangura kuri uwu wa gatandatu. Urukino rwitezwe cane ni uruza guhuza umurwi nserukiragihugu w’Urwanda hamwe n’umurwi nserukiragihugu wa Repuburika iharanira intwaro rusangi ya Congo, imirwi yompi isanzwe ari abakeba.

Mu mateka y’inkino za Afrika n’iz’isi zimaze guhuza AMAVUBI y’Urwanda n’umurwi wa Congo, Urwanda kenshi rutahukana intsinzi. Naho abakinyi b’Urwanda bazoba bari imbere y’abarorerezi babo ku kibuga citiriwe AMAHORO, umumenyereza w’umurwi wa Congo, Florent Ikwange Ibengé yizeza intsinzi abakunzi b’umurwi wiwe.

Florent Ikwange Ibengé yavugiye kuri Super Sports ko ata murwi n’umwe atinya, ndetse n’Urwanda ruzoba ruriko rukinira imbere y’abakunzi barwo.

Florent Ikwange Ibengé yamenyesheje ko baje biteguye bikwiye, ahubwo akuburira Amavubi y’Urwanda ko ashobora guhura n’ibibazo imbere y’abakunzi bayo kuri uyu wa gatandatu ku kibuga citiriwe Amahoro.

Urukino rutangura isaha icenda.