Accueil > Amakuru > u Burundi > Cibitoke : Abana barageramiwe n’ibikorwa bibavuna
Cibitoke : Abana barageramiwe n’ibikorwa bibavuna
vendredi 19 Nyakanga 2014
Mu ntara ya Cibitoke haravurwa ikibazo c’abana bakoreshwa mu mirimo ibavuna nko mu binogo vyo kwimba izahabu, ivyo bikagaragara mu ma komine aho ico gikorwa co kwimba izahabu kirwiriye cane.
Amashirahamwe aharanira agateka ka zina muntu, avuga ko abo bana bahembwa intica ntikize, bagashirwa mu binogo biteye impungenge bishobora guhitana ubuzima bwabo. Ikindi kibabaje n’uko abo bana bata amashure bakaja kwirukira amaronko bakiri bato.
Abanyagihugu baba hafi yahakorerwa ivyo bikorwa barafise impungenge kandi ko abo bana bashobora kuhandurira indwara kuko iyo bimvye ubwo butare akenshi izo nzahabu bazinyegeza mu bibuno, ivyo navyo bakabiterwa n’uko ba shebuja babahemba intica ntikize.
Baca bahitamwo kugurisha izo nzahabu mu buryo butemewe n’amategeko ku bantu bazirondera. Abo banyagihugu basaba reta guhagurukira icop kibazo amazi atararenga inkombe.
Floxell Karire
