Accueil > Amakuru > Amashuri > Cibitoke : abanyeshure 3000 nibo bahevye kwiga
Cibitoke : abanyeshure 3000 nibo bahevye kwiga
lundi 2 Ruheshi 2014
Abana bagera ku bihumbi bitatu nibo bahevye amashure mu ntara ya Cibitoke muri uyu mwaka w’2013 ushira 2014, imvo akaba ari abaja kwima ubutare bivugwa ko bwiraye muri iyo ntara.
Mu makomine amwe amwe agize iyo ntara ya Cibitoke nka Bukinanyana, Murwi, Mabayi na Mugina abayarongoye mu gisata c’indero, baramaze gutanga ibitigiri vy’abana bahevye amashure muri uyu mwaka w’ishure uriko urarangira. Abanyeshure bamwe bamwe bagaheba kugira baje kwiyimbira ubutare, abandi nabo bakaba baheba mu gihe bataronka imfungurwa zitangwa n’ishirahamwe mpuzamakungu ryitaho ivyo gufungura PAM.
Ico cegeranyo c’abanyeshure bahevye bakaja mu bindi, kikaba gisohotse inyuma y’aho abanyeshure bo mu mwaka wa gatandatu bakoreye ikibazo kibaha uburenganzia bwo kuja mu mashure yisumbhuye.
Aristide Nizigire
