Cibitoke : Impunzi z‘abanyekongo zibandanya guhunga

Ishirahamwe ritabara imbabare Croix - Rouge muri komine Cibitoke rimenyesha ko rimaze kwakira impunzi z’abakongomani zigera ku 512.

Izo mpunzi zikaba zashikiye mu ntara ya cibitoke inyuma yo guhunga indwano yadutse hagati y‘igisirikare ca Republika iharanira intwaro rusangi ya Kongo n‘abarwanyi baba Mayi - Mayi . Ariko umumenyeshamakuru wo ku mboneshakure y’igihugu c’Uburundi mu ntara ya cibitoke ,Leonard Ndayishimiye yavuze ko hari amakuru ava ngaho nyene mu ntara ya cibitoke avuga ko ubu ibintu vyoba vyatureshe gato.

Uwurongoye intara ya cibitoke, umushingantahe Aloys Ndayishimiye yamenyesheje ko izo mpunzi zishasha zikeneye ibintu vyo kwifuka hamwe n’amahema. Yongeyeko ko umuryango utabara imbabare Croix Rouge umaze gutanga imfungurwa kuri izo mpunzi z’abakongomani .